វិធីសាស្រ្តកាត់បន្ថយការគេងស្រម៉ុកឮខ្លាំងៗ
ប្រភេអាហារដែលត្រូវជៀសវាងមានដូចខាងក្រោម៖
វិធីផ្សំម៉ាស់ធម្មជាតិជួយឲ្យស្បែកម៉ដ្ឋរលោងក្នុងរយៈពេល ១៥នាទី
ប្រសិនបើអ្នកជួបប្រទះនឹងបញ្ហាស្បែករឹង, ស្បែកស្ងួត, របកស្បែក, កើតមុន, អាចម៌រុយ, មុខប្រហោង, អ្នកអាចសាកល្បងប្រើរូបមន្តម៉ាស់បិតមុខដែលផ្សំចេញពីធម្មជាតិ នឹងជួយឲ្យស្បែករបស់អ្នកសម៉ដ្ឋរលោង។ ការប្រើម៉ាស់នេះ អ្នកនឹងអាចកម្ចាត់បញ្ហាគ្រប់យ៉ាងដូចដែលបានរៀបរាប់ខាងលើ។ ប្រសិនបើអ្នកប្រើវាឲ្យបានទៀងទាត់ ស្បែករបស់អ្នកនឹងតឹងណែនល្អ, ម៉ដ្ឋរលោង និងកាត់បន្ថយភាពជ្រីវជ្រួញ, ការរលាកនឹងបាត់អស់។
គ្រឿងផ្សំ៖
- ម្សៅស្រូវសាលី ២ស្លាបព្រាបាយ
- ផ្កា chamomile ១កញ្ចប់តូច
- ទឹកក្តៅ ឬទឹកដោះគោ ១០០-១៥០មីលីលីត្រ
របៀបធ្វើ៖
- យក chamomile ចេញពីកញ្ចប់ (ឬកិនផ្កា chamomile ឲ្យម៉ត់)។
- លាយវាជាមួយនឹងស្រូវសាលី ឬម្សៅធញ្ញជាតិ (អ្នកត្រូវកិនវាឲ្យម៉ត់)
- បន្ថែមទឹកក្តៅ ឬទឹកដោះគោ ១០០-១៥០មីលីលីត្រចូល
- ទុកវាចោលរយៈពេល ៣-៤នាទី ដើម្បីឲ្យវារលាយចូលគ្នាបានសព្វល្អ
- នៅពេលវាកំពុងក្តៅ (ត្រូវប្រុងប្រយ័ត្នខ្លាចរលាក) លាបវាឲ្យក្រាស់លើផ្ទៃមុខដែលលាងសម្អាតរួចរបស់អ្នក។
- ដើម្បីការពារម៉ាស់ជ្រុះចេញពីលើផ្ទៃមុខរបស់អ្នក អ្នកគួរប្រើស្បៃបិតពីលើម៉ាស់បិតមុខ។
- យកម៉ាស់បិតមុខចេញក្រោយរយៈពេល ១៥នាទី រួចលាងសម្អាតនឹងទឹកក្តៅឧណ្ឌៗ។
ផ្ទៃមុខរបស់អ្នកចាប់ផ្តើមខុសប្លែកពីធម្មតា, ភាពក្រហមនឹងលែងមាន, ស្បែកមានសុខភាពល្អ, ទន់រលោង ហើយតឹងណែនល្អ។ ប្រើម៉ាស់នេះបិតលើផ្ទៃមុខរបស់អ្នកឲ្យបានទៀងទាត់ នោះអ្នកនឹងមិនជួបប្រទះនឹងបញ្ហានេះម្តងទៀតឡើយ៕
ស៊ុត និងក្រូចថ្លុងអាចជួយសម្រកទម្ងន់ ១០ផោនក្នុងរយៈពេល ៥ថ្ងៃ
ការផ្លាស់ប្តូររបបអាហារដែលអ្នកមានទម្លាប់ទទួលទានយូរមកហើយ អាចជារឿងមួយពិបាក។ ជាការពិតណាស់ ការព្យាយាមផ្លាស់ប្តូររបបអាហាររបស់អ្នកជាអចិន្ត្រៃយ៍ឲ្យបានឆាប់រហ័សអាចបណ្តាលឲ្យអ្នកទទួលទានកាន់តែច្រើនឡើង និងចាប់ផ្តើមធ្វើការងារធ្ងន់ក្រោយរយៈពេល ២-៣ថ្ងៃ។
ម្យ៉ាងវិញទៀត របបអាហារថ្មីៗអាចធ្វើឲ្យប្រព័ន្ធរាងកាយរបស់អ្នកស្រកគីឡូ, ជួយឲ្យអ្នកឆាប់បានឃើញលទ្ធផល និងជួយជម្រុញអ្នកឲ្យផ្លាស់ប្តូរទម្លាប់នៃការទទួលទានអាហារ។ ស៊ុត និងក្រូចថ្លុងជាអាហារដ៏ពេញនិយម និងមានប្រសិទ្ធិភាពបំផុត។
តើស៊ុត និងក្រូចថ្លុងមានសមត្ថភាពអ្វីខ្លះ ដើម្បីជួយឲ្យស្រកទម្ងន់?
ការទទួលទានស៊ុត និងក្រូចថ្លុងឲ្យបានច្រើន អ្នកនឹងអាចទទួលបានអត្ថប្រយោជន៏ដូចជា៖
- កម្រិតប្រូតេអ៊ីនខ្ពស់ ដែលធ្វើឲ្យអ្នកមានអារម្មណ៍ឆ្អែត និងជួយឲ្យអ្នកគេចផុតពីការទទួលទានច្រើន ឬទទួលទាននំស្រួយដែលប៉ះពាល់ដល់សុខភាព
- ជាតិកាឡូរីនឹងជួយរក្សាកម្រិតថាមពលរបស់អ្នក
- ក្រូចថ្លុងជាប្រភេទផ្លែឈើជំនួយដល់សុខភាព។ វាអាចជួយសម្រកទម្ងន់
- ក្រូចថ្លុងអាចជួយបង្កើនដល់ការរំលាយអាហារ
- ការទទួលទានផ្លែឈើនេះបានទៀងទាត់អាចជួយកាត់បន្ថយជាតិខ្លាញ់ក្នុងប្រម៉ាត់ និងជួយកម្ចាត់ជាតិខ្លាញ់ចេញពីក្នុងរាងកាយរបស់អ្នក
- ជាតិផ្អែមរបស់ផ្លែក្រូចថ្លុងធ្វើឲ្យអ្នកឆាប់ឆ្អែត និងទទួលទានតិច
ជំហ៊ាននៃការទទួលទានស៊ុត និងផ្លែក្រូចថ្លុង
មានលក្ខណៈខុសប្លែកមួយចំនួនទាក់ទងនឹងអាហារស៊ុត និងក្រូចថ្លុងនេះ ដូច្នេះអ្នកត្រូវគិតអំពី ភាពស៊ូទ្រាំរបស់អ្នកចំពោះអាហារប្រភេទនេះ និងសម្រេចចិត្តជ្រើសរើសយកអាហារសម្រាប់តម្រូវការរបស់អ្នក។ នៅក្នុងរបបអាហារដ៏តឹងតែងបំផុតមួយនេះ អ្នកមិនត្រូវញ៉ាំរបស់អ្វីផ្សេងឡើយ ត្រូវទទួលទានស៊ុត និងក្រូចថ្លុងក្នុងរយៈពេល ៣ទៅ ៤ថ្ងៃ។
ពីមួយថ្ងៃទៅមួយថ្ងៃ អ្នកទទួលទានតែអាហារមួយនេះ អ្នកត្រូវទទួលទានផ្លែក្រូចថ្លុងឲ្យបាន ៥ផ្លែ។
លើសពីនេះទៀតក្រៅពីផ្លែក្រូចថ្លុង អ្នកអាចទទួលទានស៊ុតសឲ្យបាន ៥ទៅ ៩គ្រាប់ក្នុង ១ថ្ងៃៗ។ ការទទួលទានស៊ុតស អាចជួយកាត់បន្ថយជាតិកូឡេស្តេរ៉ុលក្នុងខ្លួនរបស់អ្នក។ តែទោះបីជាយ៉ាងណា ស៊ុតទាំងមូលអាចផ្តល់អត្ថប្រយោជន៏បន្ថែមលើសនេះ។ គួរជៀសវាងការទទួលទានស៊ុតចៀន ឬស៊ុតក្រឡុក ត្រូវតែស្ងោរវា។ ក្នុងដំណាក់កាលទទួលទានរបបអាហារបែបនេះ អ្នកអាចទទួលទានទឹកឲ្យបានច្រើនតាមចិត្តដែលអ្នកចង់។ អ្នកក៏គួរតែទទួលទានតែបៃតងឲ្យបាន ២ពែងក្នុង ១ថ្ងៃ ជារៀងរាល់ពេលព្រឹក និងពេលល្ងាច។ វិធីនេះអាចជួយជម្រុញដល់ការរំលាយអាហារកាន់តែច្រើនឡើង។
អ្វីដែលអ្នកនឹងទទួលបានពីរបបអាហារនេះ
លទ្ធផលដែលអ្នកនឹងទទួលបានពីអាហារនេះអាស្រ័យលើការអនុវត្តយ៉ាងជិតស្និត និងចំនួនថ្ងៃដែលអ្នកអនុវត្ត។ កុំអនុវត្តវិធីនេះច្រើនជាងរយៈពេល ៧ថ្ងៃ ព្រោះវាអាចធ្វើឲ្យរាងកាយរបស់អ្នកបាត់បង់ភាពស្រេកឃ្លាន។
អ្នកដែលបានអនុវត្តវិធីនេះបានរាយការណ៍មកថា ពួកគេស្រកគីឡូបានដល់ទៅ ១០ផោនក្នុងរយៈពេល ៥ថ្ងៃ៕
ផឹកទឹកជីវ៉ាន់ស៊ុយមួយថ្ងៃមួយកែវអាចជួយកម្ចាត់គ្រោះក្នុងតម្រងនោមបាន
តម្រង់នោមគឺជាផ្នែកមួយដ៏សំខាន់បំផុតនៅក្នុងសរីរាង្គបរស់យើង ព្រោះវាជួយចម្រោះកាកសំណល់ពីឈាម ហើយកម្ចាត់ចេញពីរាងកាយដោយបញ្ចូនតាមរយៈទឹកនោម។ តែទោះបីជាយ៉ាងណា! ប្រសិនបើតម្រងនោមដើរតួនាទីស្រូបយកកាកសំណល់ និងជាតិពុលចេញពីរាងកាយច្រើនពេកអាចធ្វើឲ្យកើតមានជំងឺខ្សោយតម្រងនោមធ្ងន់ធ្ងរ ហើយអាចបង្កឲ្យមានគ្រោះក្នុងតម្រងនោមថែមទៀត។ ដូច្នេះហើយអ្នកត្រូវតែរកវិធីលាងសម្អាតតម្រងនោម ដើម្បីឲ្យវាមានសុខភាពល្អឡើងវិញ។
គ្រឿងផ្សំដែលចាំបាច់៖
- ជីវ៉ាន់ស៊ុយមួយក្តាប់
- ទឹក
របៀបធ្វើ
ហាន់ជីវ៉ាន់ស៊ុតឲ្យល្អិតៗ ដាក់វាចុលឆ្នាំងតូចមួយ ហើយចាក់ទឹកពីលើ។ ដាំឲ្យពុះក្នុងរយៈពេល ១០នាទី រួចលើកចុះទុកឲ្យត្រជាក់។ បន្ទាប់មកអ្នកត្រូវយកទៅក្លាសេឲ្យត្រជាក់ ហើយផឹកមួយថ្ងៃមួយពែង។
ចំណាំ៖ អ្នកក៏អាចធ្វើជាតែបានដូចគ្នាប្រសិនបើអ្នកចង់។ វិធីនេះមានប្រសិទ្ធិភាពដូចគ្នា គ្រាន់តែអ្នកចម្អិនវាឲ្យឆ្អិនក្នុងរយៈពេល ៣០នាទី។
ជាមួយនឹងការប្រើប្រាស់ធម្មតាៗ អ្នកនឹងសង្កេតឃើញថា ពណ៌ទឹកនោមរបស់អ្នកនឹងផ្លាស់ប្តូរពីពណ៌លឿងងងឹត ទៅជាពណ៌លឿងថ្លា។ ការផ្លាស់ប្តូរនេះដោយសារតែរាងកាយចេញជាតិពុលដែលបានស្រូបដោយតម្រងនោម។ ក្រៅពីការផឹកតែជីវ៉ាន់ស៊ុយ អ្នកក៏គួរតែចងចាំថា ត្រូវផឹកទឹកឲ្យបានច្រើនដើម្បើរក្សាមុខងារតម្រងនោមរបស់ឲ្យបានល្អ។
ម្យ៉ាងវិញទៀត ផ្លែប៉ោម, ក្រូចឆ្មា និងផ្លែឪឡឹកក៏អាចលាងសម្អាតតម្រងនោមបានដែរ។ ហើយប្រេងអូលីវ ក៏អាចរួមចំណែកក្នុងការកម្ចាតគ្រួសក្នុងតម្រងនោមដូចគ្នា។
ទឹកភេជ្ជសៈមួយប្រភេទនេះត្រូវបានអ្នកជំនាញផ្តល់អានុសាសន៍ ឲ្យផឹកពីរដងក្នុងរយៈពេលមួយខែ ព្រោះវាជាផ្នែកមួយនៃការបន្សាបជាតិពីចេញពីរាងកាយបែបធម្មតាៗ៕
ទឹកឃ្មុំ លាយគ្រឿងផ្សំធម្មជាតិពីរមុខ អាចកម្ចាត់មុន និងអាចម៌រុយក្នុងពេល៧ថ្ងៃ
មុនក្រហមតូចៗ និងអាចម៍រុយដែលមាននៅលើផ្ទៃមុខ គឺជាមេរំខានមួយដែលធ្វើឲ្យអ្នកលែងមានភាពទាក់ទាញ ហើយបាត់បង់ភាពជឿជាក់លើខ្លួនឯងថែមទៀត។ ជាពិសេសនៅក្នុងរដូវក្តៅ ជាពេលវេលាដែលអ្នកបែកញើសច្រើន ហើយស្បែកឡើងជាតិខ្លាញ់ច្រើន ធ្វើឲ្យស្បែកកាន់តែមានបញ្ហាធ្ងន់ធ្ងរឡើង។
ដូច្នេះដើម្បីដោះស្រាយបញ្ហានេះឲ្យឆាប់រហ័ស និងមានប្រជាប្រសិទ្ធិភាព សូមព្យាយាមប្រើទឹកឃ្មុំ និងគ្រឿងផ្សំពីធម្មជាតិពីមុខទៀត។
គ្រឿងផ្សំ៖
- ទឹកឃ្មុំ ១ស្លាបព្រា
- ម្សៅ យីហ៊ុប (cinnamon) ១ស្លាបព្រា
- ម្សៅ ចន្ទន៍គ្រឹះស្នា (nutmeg) ១ស្លាបព្រា
របៀបធ្វើ៖
លាយគ្រឿងផ្សំទាំង៣មុខនេះបញ្ចូលគ្នាក្នុងចានមួយ ហើយកូរឲ្យរហូតដល់រលាយចូលគ្នាសព្វល្អ។
យកល្បាយនេះទៅលាបលើផ្ទៃមុខទាំងមូន រួចទុកកន្លះម៉ោង។ បន្ទាប់មកជូតសម្អាតវាចេញជាមួយនឹងកន្សែងសើម។
បន្ទាប់ពីប្រើបានរួចម្តងហើយ លោកអ្នកអ្នកឃើញថាស្បែកនឹងប្រែមានភាពស្រស់ថ្លាបណ្តើរ ដូច្នេះត្រូវបន្តប្រើវិធីនេះ មួយសប្តាហម្តង់រហូតដល់មុន និងស្នាមអាចម៍រុយបាត់អស់៕
មហាសេដ្ឋី Michael Bloomberg៖ អ្នករៀនមិនពូកែគួរតែទៅរកស៊ីទៅល្អជាង!
លោក Michael Bloomberg ដែលជាមហាសេដ្ឋីអាមេរិក និង ជាអតីតអភិបាលក្រុងញីវយ៉កបានផ្តល់ដំបូន្មានមួយដ៏មានតម្លៃរវាងការសិក្សានៅសាកលវិទ្យាល័យ និង ការរកស៊ី (បើកអាជីវកម្មផ្ទាល់ខ្លួន) ដើម្បីភាពជោគជ័យក្នុងជីវិត។
ក្នុងកិច្ចប្រជុំប្រចាំឆ្នាំមួយមានឈ្មោះថា Wall Street trade group SIFMA ដែលធ្វើឡើងកាលពីឆ្នាំ ២០១៤ កន្លងទៅ មហាសេដ្ឋីវ័យ ៧២ ឆ្នាំរូបនេះបានមានទស្សនដូច្នេះថា៖« អ្នកដែលរៀនមិនពូកែគួរតែទៅរកស៊ីទៅវាល្អជាង»។
លោកបានបន្ថែមទៀតថា៖ « បច្ចុប្បន្ននេះឪពុកម្ដាយជាច្រើនត្រូវគិតឲ្យបានវែងឆ្ងាយថា គួរតែសម្រេចចិត្តឲ្យកូនៗរបស់ខ្លួនរៀនបន្តនៅមហាវិទ្យាល័យ ឬ ចង់ធ្វើជាអ្នករកស៊ី?។ ប្រសិនបើកូនៗរបស់អ្នករៀនមិនពូកែ មិនសូវឆ្លាតដូចគេ ប៉ុន្តែពួកគេពូកែរឿងរកស៊ីដូចជាអ្នកជួសជុលកំពង់ទឹកជាដើម នោះគឺជារឿងមួយដ៏គួរឲ្យមោទនភាពបំផុតផងដែរ ព្រោះនេះជាជំនាញរបស់ពួកគេ»។
ជាស្ថាបនិកបង្កើតក្រុមហ៊ុនសេវាកម្ម Bloomberg L.P. លោកក៏បានផ្តល់ដំបូន្មានទៀតថា បើអ្នកចង់ទៅរៀនសាកលវិទ្យាល័យ Harvard អ្នកត្រូវចំណាយប្រាក់ ៥០ ០០០ ដុល្លារ ទៅ ៦០ ០០០ ដុល្លារក្នុងមួយឆ្នាំ។ តែបើអ្នកចង់ត្រូវធ្វើជាអ្នកជួសជុលបំពង់ទឹក អ្នកត្រូវរកលុយក្នុងចំនួនដូចគ្នានេះ ឬ រកលុយឲ្យលើសពីនេះ។
នៅទីនេះមានសំនួរមួយចោទសួរឡើងថា តើការរៀននៅមហាវិទ្យាល័យពិតជាគ្មានប្រយោជន៍មែនទេ?
ក្នុងនាមជាអតីតសិស្សម្នាក់របស់សាកលវិទ្យាល័យ Harvard Business School លោកមិនបានគិតដូច្នេះនោះឡើយ ដោយលើកឡើងថា ដោយសារតែលោកចង់រកស៊ីទើបលោករៀនជំនាញធុរកិច្ច (Business) ឬ អាជីវកម្ម ដើម្បីបើកអាជីវកម្មដោយខ្លួនឯង។
លោកចង់បញ្ជាក់ជាចុងក្រោយថា ភាពជោគជ័យមិនកំណត់ថា ទាល់តែទៅរៀននៅមហាវិទ្យាល័យ ឬ ទៅរកស៊ីនោះទេ តែវាស្ថិតនៅលើខ្លួនអ្នក ថាតើអ្នកពូកែអី? បើដឹងថាខ្លួនអ្នករៀនមិនពូកែហើយនោះ ក៏គួរបង្កើតជំនាញមួយនៅខាងក្រៅវិញក៏អាចមានឱកាសក្លាយជាអ្នកមានបានដូចគ្នា៕
